ಶಾಪಿಂಗ್ ಕಾಂಪ್ಲೆಕ್ಸ್​ನಿಂದ ಕಾಲು ಜಾರಿ ಬಿದ್ದ ಯುವಕ- ಯುವತಿ..! ಯುವತಿ ಸಾವು , ಯುವಕನ ಸ್ಥಿತಿ ಗಂಭೀರ..! 

ಬೆಂಗಳೂರು : ಯುವಕ- ಯುವತಿ ಶಾಪಿಂಗ್ ಕಾಂಪ್ಲೆಕ್ಸ್​ನಿಂದ ಕಾಲು ಜಾರಿ ಬಿದಿದ್ದು, ಯುವತಿ ಸಾವನ್ನಪ್ಪಿದ್ದು,  ಯುವಕನ ಸ್ಥಿತಿ ಗಂಭೀರವಾಗಿದೆ. ಬೆಂಗಳೂರಿನ ಬ್ರಿಗೇಡ್​ ರೋಡ್​ನಲ್ಲಿರೋ ಶಾಪಿಂಗ್ ಕಾಂಪ್ಲೆಕ್ಸ್​ನಲ್ಲಿ ಈ ಘಟನೆ ನಡೆದಿದೆ.

18 ವರ್ಷದ ಯುವತಿ ಲಿಯಾ ತನ್ನ ಪ್ರಿಯಕರ ಕ್ರಿಸ್​​​ಪೀಟರ್​ ಜೊತೆ ಶಾಪಿಂಗ್​ ಬಂದಿದ್ದಾಳೆ. ಶಾಪಿಂಗ್ ವೇಳೆ ಕಾಲು ಜಾರಿ ಬಿದ್ದು ಇಬ್ಬರೂ ಆಸ್ಪತ್ರೆ ಪಾಲಾಗಿದ್ದರು. ದುರಾದೃಷ್ಟವಶಾತ್ ಚಿಕಿತ್ಸೆ ಫಲಿಸದೆ ನಿಮ್ಹಾನ್ಸ್ ಆಸ್ಪತ್ರೆಯಲ್ಲೇ ಯುವತಿ ಲಿಯಾ ಕೊನೆಯುಸಿರೆಳೆದಿದ್ದಾಳೆ. ಯುವಕನಿಗೆ ನಿಮ್ಹಾನ್ಸ್​ನಲ್ಲಿ ಚಿಕಿತ್ಸೆ ಮುಂದುವರಿದಿದೆ.

ಯುವತಿ ಲಿಯಾ ಬೆಂಗಳೂರಿನ ಕಾಕ್ಸ್​​ಟೌನ್​​ ನಿವಾಸಿಯಾಗಿದ್ದಾಳೆ.  18 ವರ್ಷದ ಯುವಕ‌‌ ಕ್ರಿಸ್​​ಪೀಟರ್ HAL ನಿವಾಸಿಯಾಗಿದ್ದಾನೆ. ಶಾಪಿಂಗ್ ‌ವೇಳೆ ಕಾಲು ಜಾರಿ ಯುವತಿ ಮೊದಲು ಬಿದ್ದಿದ್ದಾಳೆ, ಯುವತಿಯನ್ನ ಹಿಡಿದುಕೊಳ್ಳಲು ಹೋಗಿ ಯುವಕ ಕೂಡ ಬಿದ್ದಿದ್ದಾನೆ. ಯುವತಿಯ ಮೇಲೆ ಯುವಕ ಬಿದ್ದಿದ್ದರಿಂದ ಕ್ರಿಸ್​​ಪೀಟರ್ ಬಚಾವ್ ಆಗಿದ್ದಾನೆ. ಯುವಕನ ಕಾಲು ಮುರಿದಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ. ಇಬ್ಬರೂ ಸೆಂಟ್ ಜೋಸೆಫ್ ಆಫ್ ಕಾಮರ್ಸ್​​​​ ಕಾಲೇಜಿನಲ್ಲಿ ದ್ವಿತೀಯ ವರ್ಷದ ಕಾಮರ್ಸ್ ವಿಭಾಗದ ವಿದ್ಯಾರ್ಥಿಗಳಾಗಿದ್ದಾರೆ. ಈ ಸಂಬಂಧ ಕಬ್ಬನ್ ಪಾರ್ಕ್​ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ : ದತ್ತಪೀಠದಲ್ಲಿ ಮುಸ್ಲಿಮರು ನಮಾಜ್ ವಿಡಿಯೋ : ವಿವಾದಿತ ಸ್ಥಳಕ್ಕೂ, ಈ ವಿಡಿಯೋ ಪ್ರದೇಶಕ್ಕೂ ವ್ಯತ್ಯಾಸವಿದೆ : ಜಿಲ್ಲಾಧಿಕಾರಿ ಕೆ.ಎನ್.ರಮೇಶ್..