ಬಿಜೆಪಿ ಹೈಕಮಾಂಡ್ ಗೆ ಖಡಕ್ ಸಂದೇಶ ಕೊಟ್ಟ ಡಾ.ಶಿವಮೂರ್ತಿ ಮುರುಘಾ ಶರಣರು..

ರಾಜ್ಯ ಬಿಜೆಪಿಯಲ್ಲಿ ನಾಯಕತ್ವ ಬದಲಾವಣೆ ವಿಚಾರಕ್ಕೆ ಸಂಬಂಧಿಸಿದಂತೆ ಮುರುಘಾ ಶರಣರು ಮುಖ್ಯಮಂತ್ರಿ ಬಿಎಸ್ ವೈ ಬೆನ್ನಿಗೆ ನಿಂತಿದ್ದಾರೆ. ಚಿತ್ರದುರ್ಗದ ಮುರುಘಾ ಮಠದ ಪೀಠಾಧಿಪತಿ ಡಾ.ಶಿವಮೂರ್ತಿ ಮುರುಘಾ ಶರಣರು ಬಿಜೆಪಿ ಹೈಕಮಾಂಡ್ ಗೆ ಮುರುಘಾ ಶರಣರಿಂದ ಖಡಕ್ ಸಂದೇಶ ರವಾನಿಸಿದ್ದಾರೆ.

ಕಳೆದ ಕೆಲವು ದಿನಗಳಿಂದ ಸಿಎಂ ಬದಲಾವಣೆ ಕುರಿತು ಭಾರಿ ಚರ್ಚೆ ನಡೆಯುತ್ತಿದೆ. ಈ ಕುರಿತು ಚಿತ್ರದುರ್ಗದ ಮುರುಘಾ ಮಠದ ಪೀಠಾಧಿಪತಿ ಡಾ.ಶಿವಮೂರ್ತಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ್ದರು. ಸಿಎಂ ಬದಲಾವಣೆ ಆದರೆ ಎಲ್ಲಾ ಮಠದ ಸ್ವಾಮಿಜೀಗಳು ಸೇರಿ ಸಾಮೂಹಿಕ ಹೋರಾಟ ಮಾಡುತ್ತೇವೆ ಎಂಬ ಮಾತುಗಳು ಕೇಳಿ ಬರುತ್ತಿವೆ.

ಯಡಿಯೂರಪ್ಪ ನವರೇ ಮುಖ್ಯಮಂತ್ರಯಾಗಿ ಮುಂದುವರೆಯಲಿ ಎಂಬುವುದು ಎಲ್ಲಾ ಮಠಾಧೀಶರ, ಸಾಮಾಜಿಕ ಕಾರ್ಯಕರ್ತರು ಹಲವಾರು ನಾಯಕ ಎಲ್ಲಾ ಪಕ್ಷದ ಆಶಯವಾಗಿದೆ. ಯಡಿಯೂರಪ್ಪರನ್ನು ತೆಗೆಯುವುದರಿಂದ ಅವರಿಗೇನು ನಷ್ಟ ಇಲ್ಲ ಆದರೆ ಯಡಿಯೂರಪ್ಪ ಅವರನ್ನ ತೆಗೆಯುವಂತವರಿಗೆ ನಷ್ಟವಾಗುತ್ತದೆ. ಪಕ್ಷಕ್ಕೆ ನಷ್ಟವಾಗುತ್ತದೆ ಎಂದು ಡಾ.ಶಿವಮೂರ್ತಿ ಮುರುಘಾ ಹೇಳಿದ್ದರು.

ಯಡಿಯೂರಪ್ಪನವರಿಗೆ ಯಾವುದೇ ತೊಂದರೆಯಾಗಬಾರದು ಎಂಬುವುದು ನಮ್ಮ ಒತ್ತಾಸೆ. ಯಡಿಯೂರಪ್ಪ ಅಂದರೇ ಒಂದು ಶಕ್ತಿ, ಅವರು ತಮ್ಮ ಶಕ್ತಿ ತೋರಸದವರು ಹಾಗೇ ಕೆಲವರಿಗೆ ಸವಾಲಾಗಲೂಬಹುದು ಎಂದರು. ಹಾಗೂ ಯಡಿಯೂರಪ್ಪ ಒಬ್ಬ ಮೇಧಾವಿ. ಎಲ್ಲಾ ಜಾತಿ, ಧರ್ಮ ಹಾಗೂ ಸಮುದಾಯವನ್ನು ಸಮನಾಗಿ ಕಾಣುವಂತಹ ಮಾಸ್ ಲೀಡರ್. ಅವರಿಗೆ ಯಾವುದೇ ರೀತಿಯಲ್ಲಿ ತೊಂದರೆ, ಆತಂಕ ಎದುರಾಗಬಾರದು ಎಂದು ಡಾ.ಶಿವಮೂರ್ತಿ ಮುರುಘಾ ಅವರು ಹೇಳಿದ್ದರು.