ಬೆಂಗಳೂರು : ಮೊನ್ನೆಯಷ್ಟೇ ಚಂದನ್ ಶೆಟ್ಟಿ ಹಾಗೂ ನಿವೇದಿತಾ ಗೌಡ ಇನ್ಟಾಗ್ರಾಂ ನಲ್ಲಿ ಹಂಚಿಕೊಂಡಿದ್ದ ವೀಡಿಯೋ ಭಾರೀ ವೈರಲ್ ಆಗಿತ್ತು. ಇದೀಗ ನಿವೇದಿತಾ ಗೌಡ ಗಿಚ್ಚಿ ಗಿಲಿಗಿಲಿ ಸೀಸನ್ 2 ವೇದಿಕೆ ಮೇಲೆ ನಾನು ಪ್ರಗ್ನೆಂಟ್ ಎಂದು ಹೇಳಿದ್ದಾರೆ.
ಹೌದು… ಗಿಚ್ಚಿ ಗಿಲಿಗಿಲಿ ಸೀಸನ್ 2 ವೇದಿಕೆಗೆ ನಿವೇದಿತಾ ಗೌಡ ಒಂದು ತಟ್ಟೆಯಲ್ಲಿ ಮಾವಿನ ಕಾಯಿ, ಹುಣಸೇ ಹಣ್ಣು ತಂದು ವೇದಿಕೆ ಮೇಲಿಟ್ಟಿದ್ದಕ್ಕೆ ನಿರಂಜನ್ ದೇಶಪಾಂಡೆ ಇದೆಲ್ಲಾ ಏನೆಂದು ಪ್ರಶ್ನಿಸುತ್ತಾರೆ. ಹಾಸ್ಯ ಮಾಡುತ್ತಲೇ ನಿವಿ ಇದು ಬಟ್ಟೆ ಇರುವ ಹುಣಸೇ ಮತ್ತೊಂದು ಬಟ್ಟೆ ತೆಗೆದಿರುವ ಹುಣಸೇ ಎನ್ನುತ್ತಾರೆ. ಎಲ್ಲಾ ಓಕೆ ಈಗ ಇದೆಲ್ಲಾ ತಂದಿರುವುದು ಯಾಕೆಂದು ತೀರ್ಪುಗಾರ್ತಿ ಶ್ರುತಿ ಕೃಷ್ಣ ಕೇಳಿದಾಗ ನನಗೆ ಎರಡು ತಿಂಗಳು ನಾನು ಪ್ರೆಗ್ನೆಂಟ್ ಎಂದು ನಿವೇದಿತಾ ಹೇಳುತ್ತಾರೆ.
ಈ ಉತ್ತರಕ್ಕೆ ನಿರಂಜನ್ ಎರಡು ತಿಂಗಳು ಎಂದು ಹೇಳಿದರೆ ಜನರಿಗೆ ಅರ್ಥ ಆಗುವುದಿಲ್ಲ ಏನೆಂದು ವಿವರಿಸಿ ಹೇಳು ಎಂದಿದ್ದಕ್ಕೆ ನನಗೆ ತಲೆ ಸುತ್ತು, ವಾಮಿಟಿಂಗ್, ಬೆಳಗ್ಗೆ ಎದ್ದೇಳಲು ಆಗುವುದಿಲ್ಲ. ಹೀಗೆ ಆಗುತ್ತಿರುವುದಕ್ಕೆ ನನಗೆ ರಿಹರ್ಸಲ್‌ಗೆ ಬರಲು ಆಗುತ್ತಿಲ್ಲ ಎಂದು ನಿವೇದಿತಾ ಹೇಳಿದಕ್ಕೆ, ಯಾಕೆ ಈ ವಿಚಾರ ಹೇಳುತ್ತಿರುವೆ ಎಂದು ಶ್ರುತಿ ಮರು ಪ್ರಶ್ನಿಸುತ್ತಾರೆ. ಆಗ ನಾನು ಪ್ರೆಗ್ನೆಂಟ್ ಅದಕ್ಕೆ ಹೇಳುತ್ತಿರುವುದು ಎನ್ನುತ್ತಾರೆ ನಿವಿ.
